Sardečna zaprašajem na veb-staronku mižnarodnaj inicyjatyvy “Bałtyjskaja Ukraina”!

Асацыяцыя марскіх гарадоў і абшчын і абшчына г. Рэваль

Маюць гонар запрасіць Вас на міжнародную канферэнцыю:

«Супрацьдзеянне пагрозе бяспекі прыморскіх рэгіёнаў з боку Паўночнага газаправода ў кантэксце інтэграцыі Балтыйскага Рэгіёну з Украінай і Беларуссю».

З удзелам экспертаў з Польшчы, Швецыі, Украіны і Беларусі.

16-17 кастрычніка 2008

г. Рэваль (Заходнепаморскае ваяводства Польшчы)

Марскі і прыморскі турызм, а таксама рыбалоўная гаспадарка з’яўляюцца асновай жыццядзейнасці прыморскай мясцовасці. Аднак выкарыстанне рэсурсаў мора апынулася пад сур’ёзнай пагрозай з боку маштабных інвестыцыйных праектаў Расіі, якія выклікаюць вялікую занепакоенасць з боку жыхароў Балтыйскага узбярэжжа. Праўда, расійскі бок пераканоўвае, што будаўніцтва газаправода будзе праводзіцца з улікам экалагічных патрабаванняў, аднак унутраныя супярэчнасці ў самой Расійскай Федэрацыі прымушаюць сур’ёзна задумацца над верагоднасцю гэтых довадаў. З аднаго боку Расія ўкладвае мільярды долараў у развіццё балтыйскіх партоў і інфраструктуру транспартыроўкі газу і нафты, і адначасова пазіцыяніруе сябе як высокаразвітая еўрапейская дзяржава. І ў той жа час Крэмль даводзіць міжнароднай супольнасці, што Расія не мае сродкаў каб пабудаваць за ўласны кошт сістэму ачысткі сточных вод у Калінінградзе, мадэрнізаваць флот танкераў у накірунку павелічэння іх экалагічнай бяспекі, а таксама тое, што не можа сабе дазволіць прыняцць статус PSSA Балтыкі ў сваіх тэрытарыяльных водах. Расійская эканамічная экспансія на Балтыцы, сімвалам якой стаў Паўночны газаправод, - гэта тэндэнцыя, якая не мае прэцэдэнтаў на нашым моры. Яна ўпісваецца ў шырокі кантэкст рэвалюцыйных змен, якія сёння адбываюцца ў Балтыйскім рэгіёне. Беспрэцэдэнтнымі з’явамі з’яўляюцца таксама працэсы інтэграцыі Украіны і Беларусі з балтыйскай прасторай, а таксама дэкларацыі гэтых краін пра іх гатоўнасць актыўнага далучэння да міжнародных ініцыятываў, накіраваных на дасягненне чыстай Балтыкі. Новыя пагрозы і новыя геапалітычныя рэаліі на Балтыцы – гэта пытанні, якія мы хочам абмеркаваць на польскім узбярэжжы, і менавіта ў Рэвалі – горадзе, якога гэтыя справы непарэдна датычацца. Нашая рэвальская канферэнцыя будзе першай сустрэчай такога ўзроўню, на якой праблематыка Паўночнага газаправода будзе разглядацца ўжо ў новых рэаліях, якія надыйшлі пасля асецінскага канфлікту. Гэта таксама будзе першая канферэнцыя на тэму Паўночнага газаправода з удзелам прадстаўнікоў Украіны і Беларусі, запрошаных у якасці поўнапраўных удзельнікаў балтыйскай дыскусіі.

Контакт з арганізатарам:

80-828 Gdańsk 

ul. Długi Targ 11/12  

tel.(0-58) 301-49-21  

fax: (0-58)301-42-15

e-mail: zmigm@zmigm.org.pl

кансультацыі украінскай і беларускай мовамі: +48664993542 (моб.)